Arreta zentroa

Logo_erroak
Logo sartu

Prestakuntza zentroa

Linkedin Chocorosconmoodle Instagram Facebook Whatsapp

Etiketa: Erroak

Kategoriak
Berdintasuna

Lila Oinez Donostiako Kaleetan

Ostiral honetan, otsailaren 21an, Lila-Oineza ospatu dugu Erroak Elkarteko parte diren emakume desberdinekin. Bertan bildu gara jatorri, kultura, pentsamendu desberdinetako emakumeak, guztiak elkarrekin festa giroan emakumeok ditugun eskubideak aldarrikatzeko Donostiako kaleak gureak eginez.

Barre egin dugu, dantza egin dugu, salto egin dugu… eta une oso polit bat partekatu dugu, elkartu gaituena, hurbildu gaituena… izan ere, oso desberdinak izan arren, denok batzen gaituen zerbait dago… emakumeak gara, ahalduntze prozesu desberdinetan dauden emakumeak, baina denok gure eskubideak aldarrikatzen ditugu.

Lila-Oineza Lilaton alternatibo bat antolatzeko helburuarekin hasi genuen, izan ere, Lilaton ekimenak bere mugak ditu eta Erroak Elkarteko zerbitzuetako erabiltzaile diren emakumeek ez dut horrelako ekimenetan parte hartzeko aukerarik. Egoera oso desberdinetako emakumeak ditugu, bakoitzak bere ibilbidea du, eta bakoitzak bere zailtasunak. Baina Lila-Oinezak ekitaldi publiko batean parte hartzeko aukera eman die, emakume mota asko daudela ikusaraziz, askotan oso ezkutaturik dauden emakumeak.

Kategoriak
Berdintasuna

Lila Oinez

Lilaton mugimendua emakumeei berdintasuna bilatzeko aukera paregabea emateko nahiarekin sortu zen, sortzaileek egun berezi bat sortu zuten gure gizartean emakumeen eskubideak ospatu eta babesteko. Hasieratik, Lilatonek helburu argia izan zuen: erabateko irabazlea emakumea izango zen. Ekitaldi hau ez da lehiaketa bat bakarrik, feminismoaren ospakizun bat da, emakumeok edozein erronka lortzeko dugun gaitasunaren eta determinazioaren etengabeko oroigarri bat. Kirolaren bidez emakumeak ahalduntzea helburu duen ekitaldia da.

Erroak Elkarteak ikuspegi hori partekatzen du Lilatonekin. Gure gizarte eta hezkuntza tailerrek emakumeak ahalduntzea dute helburu, eta, besteak beste, osasuna, inklusioa eta talde lana sustatu nahi dituzte. Lilatonarekin guztiz bat datozen balioak.

Zaurgarritasun egoeran dauden emakumeak artatzen ditugu, eta horietako askok, beren zirkunstantziengatik, ezin dute ekitaldi honetan parte hartu. Horregatik, duela urte batzuetatik hona gure emakumeentzat eskuragarri dagoen “Lilaton” bat egiten dugu Donostiako Udaleko gizarte eta hezkuntza tailerretan, Emari taldearekin zehazki.

Aurreko urteetako balorazio ona ikusita, 2025ean esperientzia hori Erroak-Sartutik artatzen ditugun gainerako talde eta emakumeetara zabaltzea pentsatu dugu. Lilaton inguratzen duen mugimendu feminista ikusaraztea eta emakumearen eskubideak ospatzen aukera eskaintzea da helburua.

Ekitaldia otsailaren 21ean izango da eta Lila-Oinez izena jarri diogu. Gure zerbitzuetako emakumeentzako ibilbide irisgarri bat planifikatu dugu, eta ibilbide hori haietara egokitutako erritmo batean oinez egingo dugu.

Lilatoneko mugimendu antolatzaile eta sortzaileekin partekatu dugu gure ekimena, eta ideia gustatu zaie, babesa emanez.

Joan den astean, gure emakume-taldeetan, Nati Rufo, Lilaton mugimenduaren sortzailearen bisita izan dugu, eta hark mugimenduaren jatorria eta lortu nahi dituen helburuak azaldu dizkigu.

Eskerrik asko zure esperientzia gurekin partekatzegatik eta ekimenari emandako babesagatik.

Kategoriak
Gizartearekiko konpromisoa

2024ko Auditoria Soziala

Hemen, erakundeok batekoa ezkutatzen ez dugunez, gardentasunez, borondatez eta partaidetzazerakusten dugu ekonomia sozial eta solidarioak Euskadin daukan egoera.

Erroak Elkartean geure bihotza erakusten dugu…

Txosten osoa eskuragarri dago gardentasunaren atalean.

Kategoriak
Gizartearekiko konpromisoa

Donosti Tailerrak Haurralde Fundazioarekin lankidetzan dihardu

Hau Emari, Elkarrekin eta Aurrera gizarte eta hezkuntza tailerretan parte hartzen duten pertsonek egindako lanaren erakusgarri txiki bat da. Haurralde Fundazioari ilusio handiz eman diote, jai hauetan banatu ahal izateko.

Kategoriak
Aliantzak eta sareak

Praktika Onen Jardunaldiak

Azken urteotan, Gipuzkoako Foru Aldundiak lurraldeko arreta- eta zaintza-ereduaren aldaketa bultzatu du, besteak beste, pertsonalizaziora, tokiko zaintza-ekosistemak sortzera eta desinstituzionalizazio-prozesuetara bideratutako politikak sustatuz.

Testuinguru horretan, Gipuzkoako Liburu Berdea zentro eta zerbitzuetan zaintza-eredua eraldatzeko esparru estrategiko baten gisara osatu da, aldaketa horri buruzko ikuspegi instituzionala eskainiz eta partekatuz. Dokumentu honek ibilbide-orri integral eta parte-hartzaile bat ezartzen du, Gipuzkoako 2030 Agendarekin lerrokatuta, zainketen pertsonalizazioaren ikuspegian oinarritzen dena: pertsona bakoitzak bere bizitzaren, nahien eta lehentasunen kontrolari eustea bilatzen du, autonomiaren, duintasunaren eta edozein zainketa-ingurunetan, zentro edo zerbitzu komunitarioetan, bizitza-proiektu bat garatzeko eskubidearen alde eginez.

Zainketa eta Gizarte Politiketako Sailak bultzatutako “Zaintzatik laguntzetara eta komunitateko inklusiora: pertsonarengan oinarritutako arreta” jardunaldia jardunbide egokien jardunaldia da, eta, ezagutzaren eta ikaskuntzaren kudeaketaren ikuspegitik, zainketa-ereduaren trantsizioan funtsezko printzipio horiek zabaldu, partekatu eta sarean eraikitzen jarraitu nahi du.

Topaketa hau, eredua praxi profesionalean dituen inplikazioetan kokatzeaz gain, berrikuntzan, etengabeko hobekuntzan, ebaluazioan eta arretaren kalitatean oinarritu da. Era berean, bere helburua lurraldeko zentro eta zerbitzu komunitarioetako jardunbide egoki batzuk aitortzea eta ikusaraztea izan da, pertsonarengan arreta handiagoa jartzen duen zainketa-eredu bateranzko aldaketa horretan laguntzen baitute.

Kategoriak
Berdintasuna

Giza Eskubideen Nazioarteko Eguna

Kategoriak
Euskera

EuskaraTRATUAK

Aste honetan Euskararen Nazioarteko Eguna ospatu da, abenduak 3.

75 urte bete dira lehenengo aldiz ospatu zenetik.

Eusko Ikaskuntzak sustatu zuen, garai hartan euskararen unibertsaltasuna aldarrikatu nahi zuelako eta munduan bizi ziren euskaldunei dei egin nahi zielako “lotsagarria litzatekeelako gure hizkuntza galtzen ikustea”.

Gure erakundean hizkuntza-normalizazioarekin dugun konpromisoa islatzen da, pertsonek gure entitatearekiko harremanetan euskara eta gaztelania erabiltzeko duten eskubidea bermatuz eta euskal hizkuntza eta kultura ikasteko ekintzak sustatuz, gizarteratzeko beste bide bat den aldetik.

Aurten, gainera, Erroak Elkartean lan egiten dugunon artean euskara bultzatzen jarraitzeko, euskaraTRATUAK egitea proposatu dugu: nireTRATUA (Pertsona batek bere buruarekin egiten duen tratua, lanean zein lanetik kanpo, euskara gehiago erabiltzeko) eta gureTRATUAK (lankideen artean hartutako konpromisoak).

Ideiak oso harrera ona izan du, aldaketa handiak lortzen dituzten konpromiso txikiak.

Nik euskaraz, zuk zergatik ez?

Kategoriak
Berdintasuna Erroaksartu

Berdintasuna Landuz

Berdintasunaren aldeko borrokan Erroak Elkartearen konpromezua irmoa da. Gure Berdintasun Planeko lan ildoetako bat genero berdintasuna artatzen ditugun talde desberdinetan lantzea da.

Emakunderen diru laguntza bati esker berdintasuna prestakuntza taldeetan lantzeko programa piloto bat martxan jarri dugu 2024 urtean. Hilabete honetan, azaroaren 25a dela eta, bereziki indarkeria matxista landu dugu talde desberdinetan, honen inguruan dauden mitoak desegiten laguntzeko eta gizarte gaitz honen aurka guztiak bat egiteko.

Kategoriak
Testigantzak

“Esperientzia bilatzen dut bizitza profesional egonkorragoa izateko”

Adilek laneratzeko kontratua du, eta Uba hostel enpresako plantillako kidea da aurtengo maiatzetik. Erroak-Sartu erakundetik eratorria, Ubaren proiektuaren eta inguruko gizarte-erakundeen arteko komunikazio estuaren emaitza da bere kontratazioa, kalteberatasun-egoeran dauden eta lan-mundura sartzeko zailtasunak dituzten pertsonak erakartzeko helburuarekin.

«Eskaintzen didaten aukera hau aprobetxatzen ari naiz etorkizunean ate bat irekitzeko, lan-merkatuan sartzeko eta kontratu mugagabea lortzeko. Bilatzen dudana esperientzia da, bizitza profesional egonkorragoa izateko», azaldu du.

Bost urte Donostian eman ondoren, egun gutxiko noizbehinkako lanak izan ondoren, Mouchreqek aitortu du «oso pozik» dagoela. Hona iritsi nintzenetik dudan lehen lan egonkorra da hau, eta lasaiago bizitzeko eta bizitzaren beste pertzepzio bat izateko aukera eskaintzen dit». Argi du Uba tranpolin ezin hobea dela etorkizunean lan-merkatu arruntean sartu ahal izateko.

Albiste osoa esteka honetan irakur dezakezu.

Kategoriak
Aliantzak eta sareak

World Kafearen hilabetea

Azaroan Erroak Elkarteak Deustuko Unibertsitateak eta ESENek (Espetxe Sarea Euskadi-Nafarroa) antolatutako bi World Kafetan parte hartu du.

Zuzenbideko unibertsitate-ikasleei espetxeen mundua bezain ezezaguna den mundu bat hurbiltzeko asmoz, lehenengo kasuan…

… eta gaiari buruzko jakintzak eta ezagutza partekatzea eta elkarrekin hitz egitea bigarrenean.

World Kafe formatuko topaketa horiei esker, hizketa, elkarrizketa eta hausnarketarako bi topagune sortu ahal izan dira zigor- eta espetxe-esparruen inguruan.

Garrantzitsua eta motibagarria da bai gai honetan lan egiten dugunontzat, bai etorkizuneko profesionalentzat, espetxe-errealitatearekin hurbiletik lan egiten dugun gizarte-erakundeen lanari balioa ematea, zigor askatasun-gabetzailea betetzen duten pertsonen gizarteratze-helburua bultzatu eta indartzeko.

Euskal Autonomia Erkidegoko espetxeen oraina eta etorkizuna maila guztietan landu behar dira, gizartearen ikuspegi komunitario bat partekatzen badugu; izan ere, partaidetza eta bizikidetza, justizia eta giza eskubideak bezalako kontzeptuak komunitate baten ideala definitzen duten ezaugarriak dira.