Erroak Sartu Elkarteak Atzerritartasun-zuzenbide, Harrera eta Integrazioari buruzko Nazioarteko I. Kongresuan parte hartu zuen urriaren 8an eta 9an, Bilbon. Topaketa horretan immigrazioaren eta atzerritartasunaren arloko adituak eta profesionalak bildu ziren.
Euskadin egindako nazioarteko I. biltzarraren helburua izan zen migrazioaren erronkak aztertzea eta erantzun koordinatu, inklusibo eta humanistetarantz aurrera egitea.
«Etorkizunera begira» izan zen topaketaren ardatza. Topaketari esker, egungo migrazio-testuingurua aztertu ahal izan zen, eta une estrategikoa igarotzen ari den zeharkako fenomeno batean sakondu ahal izan zen. Fenomeno horrek erantzun egokia eta koordinatua eskatzen du erakundeen eta gizarte-entitateen aldetik, bai Euskadin, bai beste lurralde batzuetan.
Biltzarra garrantzi bereziko gaiak aztertzeko aukera bihurtu zen, hala nola Migrazio eta Asilorako Europako Ituna eta atzerritartasunari buruz indarrean dagoen legeria. Migrazioei ikuspegi zabal eta batez ere humanista batetik heltzeko beharra jarri zuen mahai gainean, kontuan hartuta migrazioek gizarteko hainbat eremutan duten eragina eta eraldaketa garrantzitsuak izaten ari diren errealitate baten aurrean erantzun egokiak sortzeko beharra.
Topaketari esker, gainera, esperientziak eta jardunbide egokiak partekatu ahal izan ziren saio paraleloen bidez, eta integrazioaren eremu zehatzetan oinarritutako eztabaida-mahai eta lan-espazio bihurtu ziren. Horien artean, nabarmentzekoa da prestakuntza eta enplegua ardatz dituen saioa, gure erakundearentzat interes berezia duen arloa baita, migratzaileak gizarteratzeko prozesuetan duen funtsezko zereginagatik.
Zentzu horretan, kongresuak gizarteratzeko ibilbideei buruzko hainbat ikuspegi eta esperientzia bateratzeko balio izan zuen, profesionalen eta erakundeen arteko ezagutza trukea erraztuz eta esparru horretan aurrera egiten jarraitzeko erronkak eta aukerak identifikatzen lagunduz.
Oso aberasgarria izan da topaketa honetan parte hartzea, Erroak Sartu Elkartearen jarduera eremuetako bat proiektu esperimentalak garatzea baita, non migratzaileekin prestakuntza eta lan ibilbideak egiten ditugun, gizarteratzea eta lan merkatuan sartzea errazteko.
