EtxeEKOlanda proiektuak prestakuntza, partaidetza eta sentsibilizaziorako topagune izan nahi du baratze ekologikoak egiten hasi nahi duten guztientzat.
Horretarako, Donostiako kultur etxe eta udal ekipamenduetako terrazetan eta lur-eremuetan barazkiak landatzeko espazioak prestatu ditu, eta, horrela, aire zabaleko ikasgelen benetako sarea osatu du.
Aurrera taldeak Lugaritzko kultur etxean nekazaritza ekologikoarekin izan ditu lehen topaketak. Gune horretan, ingurumen-hezkuntza, naturarekiko eta nekazaritzarekiko harremana eta, aldi berean, eremu komunitarioetan parte hartzea zerbitzuko parte-hartzaileen inklusio-prozesuetan sartzen dira.
