Irungo Udaleko Berdintasun Zerbitzutik, eta udazkeneko Ahalduntze Eskolaren programazioaren barruan, genero ikuspegiarekin enplegua bilatzeko komunikazio eta gizarte trebetasunetan oinarritutako tailer bat garatuko dugu.
“Bidea Eraikitzen” izeneko tailerra irailaren 26an hasiko da, eta 12 saiotan zehar egingo da abendura arte. Ostiraletan izango da, Irungo Emakumeen Etxean, eta lan orientatzaile batek dinamizatuko du, prestakuntza eta bizipen prozesu horretan parte hartzen dutenei laguntzeko.
Enplegu-bilaketa aktiboan dauden emakumeei zuzenduta dago. Ikasteko eta norbera indartzeko gunea izango da. Horregatik, saioak prozesu horiei ikuspegi ahalduntzaile eta praktiko batetik laguntzeko diseinatuta daude. Helburua emakumeen gaitasunak indartzea da, lana segurtasun, autonomia eta baliabide gehiagorekin bilatzeko.
Proiektu honek enplegua lortzean inklusioaren, ahalduntzearen eta genero berdintasunaren alde egiten dugun apustua indartzen du.
Jarduera honen bidez, enplegua aktiboki bilatzeko baliabide praktikoak eskaintzeaz gain, konfiantzazko, hausnarketako eta elkarrekiko laguntzako espazioak sustatu nahi ditugu, emakumeek beren gaitasunak indartzeko eta beren horizonteak zabaltzeko aukera izan dezaten.
