Erroak Elkarteak Donostiako Enplegu eta Toki Garapeneko 2026 – 2030 Plan berria egiteko prozesuan parte hartu du, Donostiako Sustapenak eta Udalak bultzatuta.
Plan horrek 15,4 milioi euro inguruko inbertsioa aurreikusten du, eta kalitatezko enplegua, gizarteratzea, laneratzea eta tokiko ehun ekonomikoaren lehiakortasuna bultzatzea du helburu.
Plana parte-hartze prozesu baten bidez egin da, eta ekonomia, gizarte eta hezkuntza arloko 20 erakundek baino gehiagok parte hartu dute, besteak beste, Erroak Elkarteak.
Dokumentuak lehentasunezko kolektibo gisa identifikatzen ditu 45 urtetik gorako pertsonak, lan esperientzia txikia duten gazteak, migratzaileak eta bazterketa sozialeko egoeran edo arriskuan dauden pertsonak, eta, horrela, pertsonengan eta aukera berdintasunean oinarritutako ikuspegia indartzen du.
Plana hiru ardatz nagusitan egituratzen da:
- enplegua eta gizarteratze-laneratzea
- ekintzailetza eta lehiakortasun ekonomikoa
- enplegu-sistemaren gobernantza eta koordinazioa
Erroak Elkartean bereziki baloratzen dugu prozesu horretan parte hartu izana, aukera ematen baitu zaurgarritasun egoeran dauden pertsonekin lan esperientzia zuzena helarazteko eta politika publikoek beren benetako beharrei hobeto erantzuten laguntzeko.
Horrelako espazioetan dugun parte-hartzeak erakundeak sareko lanarekin eta politika inklusiboagoak eraikitzearekin duen konpromisoa indartzen du, egoeren aniztasuna kontuan hartuko dutenak eta gizarteratzeko eta laneratzeko benetako ibilbideak sustatuko dituztenak.
Plan berri hau urrats garrantzitsua da hiri kohesionatuago baterantz aurrera egiten jarraitzeko, non enplegua lortzea funtsezko tresna izango den gizarteratzeko.