Hilabetea: azaroa 2023

Kategoriak
Erroak Erroaksartu

Emakumeen aurkako Indarkeria Ezabatzeko Nazioarteko Eguna

Aurtengo kanpainaren leloa honako hau da: Pornoa emakumeen aurkako indarkeriaren eskola bat da, eta egindako azterketatik ateratako datuak nabarmentzen ditu. Datu horien arabera:

• Eszena pornografikoen % 88,2k emakumeen aurkako indarkeria fisikoa edo ahozkoa du.

• Pornoarekin izandako lehen kontaktuaren batez besteko adina 12 urtekoa da.

• Nerabeen % 33,4k uste du pornoak eragin handia duela beren sexu-harremanetan.

Kanpainak ohartarazten duenez, gehien kontsumitzen den pornoaren bidez, indartu egiten da maskulinotasun bortitz eta menderatzailea eta feminitate atsegin eta kogrefikatu bat, beti ere plazer maskulinoaren eskura.

Kanpainaren iragarkia hemen ikusi desakezu.

Erroak elkartetik gure hezkuntza-lanarekin eta inplikazioarekin laguntzen jakitea espero dugu, emakumeentzako babes- eta ahalduntze-inguruneak sortzen faboratuz.

Kategoriak
Auditoria Erroak Erroaksartu

Auditoria Soziala 2023

Horrela agertu nahi dugu aurten ere Euskadiko ekonomia sozial eta solidarioko enpresek, #FiltroBarik. Udaberrian #SelfieModuan jarri ginen 2023ko Auditoria Sozialaren prozesuan parte hartzeko, eta orain erradiografiak erakusten dizkizuegu.

Imajinatzen duzu enpresek erradiografia bat jasaten dutela gizartean, ekonomian eta ingurumenean duten benetako eragina erakusteko? Eta, gainera, borondatez, gardentasunez eta modu parte-hartzailean egitea? Bada, horixe egin dugu Ekonomia Sozial eta Solidarioaren (ESS) erakundeek Euskadin, #FiltroBarik erradiografiatu baitira.

Erradiografiak Auditoria Soziala du izena, eta ESSko erakundeei eredu sozioekonomiko horren printzipioen eta balioen betetze-maila ebaluatzeko aukera ematen digun prozesua da, pertsonak eta planeta erdigunean jarri nahi dituena. Auditoria Soziala galdetegi batean oinarritzen da, eta hainbat dimentsio jorratzen ditu: erakundeen kudeaketa eta eragina, hala nola ekitatea, lan duina, iraunkortasun ekologikoa, lankidetza, ingurunearekiko konpromisoa eta aberastasunaren banaketa justua arloetan.

2023ko Auditoria Sozialaren emaitzak ESSko 100 erakunderen erradiografia erakusten duen txosten batean jaso dira. Erakunde horiek ia 30.000 langile eta bazkide ordezkatzen dituzte, eta 2022an 120 milioi euro baino gehiago fakturatu zituzten. Txostenak ESSren alderdi positiboak nabarmentzen ditu, baina erronkak eta hobetzeko arloak ere aipatzen ditu, iragazkirik eta makillajerik erabili gabe.

Auditoria Soziala ESS indartzen eta ikusarazten laguntzen duen tresna bat da, bai eta ESS osatzen duten erakundeen artean konfiantza eta sinergiak sortzen laguntzen duena ere. REAS Euskadik prozesu horrekin bat egiteko eta sarean parte hartzeko gonbita egiten die ESSn interesa duten erakunde guztiei, ekonomia gizatiarragoa, solidarioagoa eta iraunkorragoa eraikitzen jarraitzeko.

Txosten osoa hemen ikus dezakezue.